2021 წლის 21 ივლისს, საქართველოს იუსტიციის მინისტრმა რატი ბრეგაძემ აკადემიური წრეების წარმომადგენლებთან გამართა სამეცნიერო ჟურნალ „იუსტიციის“ (ლათ. IUSTITIA) პრეზენტაცია. მისი განმარტებით, ჟურნალი ხელს შეუწყობს სამართლის ცალკეული დარგების განვითარებასა და სამართლებრივ საკითხებზე აკადემიური დისკუსიის გაღრმავებას. ჟურნალი „იუსტიცია“ საერთაშორისო რეფერირებადი და რეცენზირებადი გამოცემა იქნება. ის ქართულ და ინგლისურ ენებზე გამოიცემა ბეჭდური და ელექტრონული სახით.

67 წლის ასაკში გარდაიცვალა ქართული კრიმინოლოგიის მეცნიერების თვალსაჩინო წარმომადგენელი, ამერიკისა და ევროპის კრიმინოლოგიის საზოგადოებების წევრი, ჟურნალ „კრიმინოლოგი“-ს სარედაქციო კოლეგიის წევრი, იურიდიულ მეცნიერებათა დოქტორი, საქართველოს კრიმინოლოგიის მეცნიერებათა აკადემიის აკადემიკოსი გიორგი ღლონტი, რომელმაც თავისი შეგნებული ცხოვრება მიუძღვნა საქართველოში კრიმიოლოგიის მეცნიერების განვითარებას. იგი წლების განმავლობაში სამეცნიერო-პედაგოგიურ მოღვაწეობას ეწეოდა საქართველოს შინაგან საქმეთა სამინისტროს პოლიციის აკადემიაში, თინათინ წერეთლის სახელმწიფოსა და სამართლის ინსტიტუტში, გრიგოლ რობაქიძის სახელობის უნივერსიტეტში.

ქ. თბილისი                                                                                               3 ივნისი, 2021 წელი

არასამეწარმეო (არაკომერციული) იურიდიული პირის - “საქართველოს კრიმინოლოგიის მეცნიერებათა აკადემიის“ (შემდგომში -აკადემია) (ს/კ 405245809)  დამფუძნებელმა, მალხაზ ბაძაღუამ  (პ/ნ 01011005746) მივიღე გადაწყვეტილება  აკადემიის წესდებაში შევიდეს ცვლილებები და მოხდეს წესდების განახლებული რედაქციის დარეგისტრირება, მოქმედი კანონმდებლობის თანახმად.

აკადემიის წესდების 5.2.2. და 5.2.3. პუნქტები ამოღებულ იქნეს, ხოლო 1.1; 1.8.2; 3.4; 5.2; 5.2.1; 5.3; 5.3.1; 5.6;  5.6.5; პუნქტებში   შევიდეს ცვლილება და ჩამოყალიბდეს შემდეგი რედაქციით:

6 აპრილს ივანე ჯავახიშვილის სახელობის თბილისის სახელმწიფო უნივერსიტეტის 93-ე (ამჟამად 206-ე) აუდიტორიაში ალექსანდრე ორბელიანის საზოგადოებისა და წმინდა გიორგი ჭყონდიდელის აკადემიის თაოსნობით გაიმართა ტრაგიკულად გარდაცვლილ პოეტ, დრამატურგ და მთარგმნელ თამაზ ბაძაღუასადმი მიძღვნილ კრებულის „დრო და ილუზიები“ წარდგენა.

საქართველოს კრიმინოლოგიის მეცნიერებათა აკადემიის სახელით გულითადად ვულოცავთ დაბადების დღეს და საქართველოს იუსტიციის მინისტრის სპეციალურ მრჩევლად დანიშვნას, საერთაშორისო მნიშვნელობის სამართალმცოდნეს და საზოგადო მოღვაწეს, აკადემიის ნამდვილ წევრს, პროფესორ მინდია უგრეხელიძეს უსურვებთ ჯანმრთელობასა და კეთილდღეობას.

საქართველოს კრიმინოლოგიის მეცნიერებათა აკადემიის პრეზიდენტი, პროფესორი მალხაზ ბაძაღუა

სხდომამ განიხილა შემდეგი საკითხები:

1. საქართველოში უკანასკნელ წლებში გამოცემული „კრიმინოლოგიის“ სახელმძღვანელოების შესახებ. (მომხსენებლები: დავით გუგავა, მალხაზ ბაძაღუა);
2. საქართველოს კრიმინოლოგიის მეცნიერებათა აკადემიის წესდებაში ცვლილებებზე პროექტი. (მომხსენებლები: თამარ ჩიკვილაძე, დავით გუგავა);
3. დანაშულობის კვლევისა და პროგნოზირების ცენტრის დაარსებიდან 20 წლის იუბილის აღნიშვნის შესახებ. (მომხსენებელი მალხაზ ბაძაღუა);
4. საქართელოს კრიმინოლოგიის მეცნიერებათა აკადემიის სამკერდე ნიშნის დაწესების შესახებ. (მომხსენებელი მალხაზ ბაძაღუა)

სხდომას თავმჯდომარეობდა აკადემიის პრეზიდენტი, პროფესორი მალხაზ ბაძაღუა. ესწრებოდნენ და საკითხების განხილვაში მონაწილეობდნენ, აკადემიის წევრები, პროფესორები: მინდია უგრეხელიძე, რომან შენგელია, ავთანდილ ხაზალია, დავით გუგავა.

2021 წლის 14 მარტს ქართული სისხლის სამართლის სკოლის ფუძემდებლის პროფესორ თინათინ წერეთლის მოწაფეს და საქმის ღირსეულ გამგრძელებელს, ახალგაზრდა იურისტთა თაობების აღზმრდელსა და მოამაგეს, პროფესორ ოთარ გამყრელიძეს 89 წელი შეუსრულდა.