2023 წლის 23 მარტს მარტვილის რაიონში ჭყონდიდის ეპარქიის წმინდა ამბროსი ხელაიას სახელობის საგანმანათლებლო ცენტრში (სოფ. ინჩხური) ჭყონდიდელი მიტროპოლიტი სტეფანეს (კალაიჯიშვილი) ლოცვა-კურთხევით, ჩატარდა წმინდა ამბროსი აღმსარებელისადმი მიძღვნილი სამეცნიერო კონფერენცია.

კონფერენციის მუშაობაში მონაწილეობა მიიღეს სასულიერო პირებმა, აკადემიური წრეებისა და საზოგადოების წარმომადგენლებმა. კონფერენცია გახსნა ჭყონდიდელმა მიტროპოლიტმა სტეფანემ, კონფერენციას უძღვებოდა წმინდა გიორგი ჭყონდიდელის სახელობის აკადემიის თანადამფუძნებელი-რექტორი, საქართველოს კრიმინოლოგიის მეცნიერებათა აკადემიის პრეზიდენტი, პროფესორი მალხაზ ბაძაღუა, რომელმაც დამსწრე საზოგადოებას წარუდგინა წმინდა გიორგი ჭყონდიდელის სახელობის აკადემიის ჟურნალ „აკადემიის მოამბის“ მეორე ნომერი.

2023 წლის 16 მარტს საქართველოს მეცნიერებათა ეროვნულ აკადემიაში გაიმართა წმინდა გიორგი ჭყონდიდელის სახელობის აკადემიის ჟურნალ „აკადემიის მოამბის“ მეორე ნომრის პრეზენტაცია. ჟურნალი მიეძღვნა საქართველოს მეცნიერებათა ეროვნული აკადემიის პრეზიდენტის, აკადემიკოს გიორგი კვესიტაძის 80 წლის იუბილესთან დაკავშირებულ სამეცნიერო კონფერენციას „გლობალური ბიოლოგიურ-ეკოლოგიური კონცეფცია“, რომელიც 2022 წლის 1-2 სექტემბერს ჭყონდიდელი მიტროპოლიტი სტეფანეს (კალაიჯიშვილი) ლოცვა-კურთხევით, წმინდა გიორგი ჭყონდიდელის სახელობის აკადემიის თაოსნობით, საქართველოს მეცნიერებათა ეროვნულმა აკადემიამ, ჭყონდიდის ეპარქიამ და მარტვილის მუნიციპალიტეტის მერიამ ერთობლივად ჩაატარა მარტვილში, წმინდა ამბროსი ხელაიას სახელობის საგანმანათლებლო ცენტრში.

აშშ-ს კრიმინოლოგიური საზოგადოების ჟურნალ „კრიმინოლოგი“-ს 2023 წლის იანვრის ნომერში გამოქვეყნდა საქართველოს მეცნიერებათა ეროვნული აკადემიის, საქართველოს კრიმინოლოგიის მეცნიერებათა აკადემიისა და გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის კრიმინოლოგიის მიმართულებით წარმატებულ საქმიანობის შესახებ წერილი. https://asc41.com/wp-content/uploads/ASC_Criminologist_2023_01.pdf

2022 წლის 22 დეკემბერს საქართველოს მეცნიერებათა ეროვნულ აკადემიაში გაიმართა საქართველოს კრიმინოლოგიის მეცნიერებათა აკადემიის წლიური საანგარიშო კრება, ასევე ჟურნალ „კრიმინოლოგის“ მე-16 ნომრის პრეზენტაცია.

საანგარიშო კრებაზე მოხსენებით „საქართველოს კრიმინოლოგიის მეცნიერებათა აკადემიის საქმიანობის 2022 წლის ანგარიში (2022 წლის 31 მარტიდან-2022 22 დეკემბერი) წარსდგა , აკადემიის პრეზიდენტი, პროფესორი მალხაზ ბაძაღუა მანვე აკადემიის წევრებს წარუდგინა ჟურნალ „კრიმინოლოგის“ მე-16 ნომერი.  განხილვაში მონაწილეობა მიიღეს: საქართველოს მეცნიერებათა ეროვნული აკადემიის პრეზიდენტმა, აკადემიკოსმა გიორგი კვესიტაძემ, აფხაზეთის მეცნიერებათა აკადემიის პრეზიდენტმა, პროფესორმა ზურაბ ლომთათიძემ, საქართველოს კრიმინოლოგიის მეცნიერებათა აკადემიის მეგობარმა, აკადემიკოსმა თამაზ შილაკაძემ, საქართველოს კრიმინოლოგიის მეცნიერებათა აკადემიის წევრებმა, პროფესორებმა: გიორგი თოდრიამ, ჯემალ გახოკიძემ, ეკა ბესელიამ, ზაურ ამილახვარმა, ბადრი ნაჭყებიამ, პოლიკარპე (თემურ) მონიავამ, თემურ მურღულიამ.

საქართველოს კრიმინოლოგიის მეცნიერებათა აკადემია, დანაშაულობის კვლევისა და პროგნოზირების ცენტრი და ჟურნალ „კრიმინოლოგი“–ს სარედაქციო კოლეგია გულითადად ულოცავს: დანაშაულობის კვლევისა და პროგნოზირების ცენტრის თანადამფუძნებელს, ჟურნალ „კრიმინოლოგი“–ს სარედაქციო კოლეგიის წევრს, პოლიციის პოლკოვნიკს, საქართველოს შინაგან საქმეთა ორგანოების დამსახურებულ მუშაკს, არაერთი სახელმწიფო ჯილდოს კავალერს, საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დეკანის მოადგილეს, სამართლის დოქტორს, პროფესორს ჯემალ გაბელიას დაბადებიდან 70 წლის იუბილეს, უსურვებს წარმატებებს სამეცნიერო, პედაგოგიურ და საზოგადოებრივ საქმიანობაში, ჯანმრთელობას და კეთილდღეობას!

საქართველოს კრიმინოლოგიის მეცნიერებათა აკადემია

2022 წელს აშშ-ში გამოიცა წიგნი „ძალადობა და მსხვერპლი“ (Violence and Victims), რომლის თანაავტორია საქართველოს კრიმინოლოგიის მეცნიერებათა აკადემიის უცხოელი წევრი, აშშ-ს ტეხასის შტატის ქალაქი სან ანტონიოს სალვე რეჯინას უნივერსიტეტის ასოცირებული პროფესორი დოქტორი მიუნგჰუნ რო. აკადემია მას ულოცავს და უსურვებს წარმატებებს!

წიგნი “კრიმინოლოგიური შემეცნების პრობლემები“ გამოიცა ივანე ჯავახიშვილის სახელობის თბილისის სახელმწიფო უნივერსიტეტის თინათინ წერეთლის სახელმწიფოსა და სამართლის ინსტიტუტის მიერ, ღვაწლმოსილი მეცნიერისა და პედაგოგის, საქართელოს კრიმინოლოგიის მეცნიერებათა აკადემიის წევრის, გრიგოლ რობაქიძის სახელობის უნივერსიტეტის პროფესორის გიორგი თოდრიას დაბადებიდან 70 წლის იუბილესთან დაკავშირებით. ვულოცავთ კოლეგას პროფესორ გიორგი თოდრიას იუბილეს და კრიმინოლოგიაში მნიშვნელოვანი მონოგრაფიული ნაშრომის გამოცემას.