დანაშაულობის კვლევისა და პროგნოზირების ცენტრი

2025 წლის 11 ნოემბერს გაეროს ვენის ოფისში გაიმართა ტრანსნაციონალური ორგანიზებული დანაშაულის წინააღმდეგ ბრძოლის საერთაშორისო დღისადმი მიძღვნილი ღონისძიება, რომელიც გადაიცემოდა პირდაპირ ეთერში გაეროს ვებ-ტელევიზიით, რითაც უზრუნველყოფილი იყო დისტანციური მონაწილეობა.

მონაწილეებს მიესალმნენ და საერთაშორისო დღე მიულოცეს, UNODC - ის აღმასრულებელმა დირექტორმა ღადა ვალიმ; ავსტრიის ფედერალურმა პრეზიდენტმა ალექსანდრ ვან დერ ბელენიმ და იტალიის პრეზიდენტმა სერხიო მატარელამ.

გამომსვლელების მიერ აღინიშნა ტრანსნაციონალური ორგანიზებული დანაშაულის წინააღმდეგ ბრძოლის კონვენციის (UNTOC) მიღების 25 წლისთავი და ხაზი გაესვა ტრანსნაციონალური ორგანიზებული დანაშაულის მხარდამჭერი ფინანსური სისტემების მიზანმიმართული მოქმედების კრიტიკულ მნიშვნელობას, რომელიც მილიარდობით უკანონო მოგებას გამოიმუშავებს და მსოფლიოში ადამიანურ და სოციალურ ხარჯებს იწვევს.

ღონისძიებაში დისტანციურად მონაწილეობდა გაეროს სპეციალური კონსულტანტის სტატუსის მქონე საქართველოს კრიმინოლოგიის მეცნიერებათა აკადემიის პრეზიდენტი, გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის დირექტორი, პროფესორი მალხაზ ბაძაღუა, ასევე აკადემიის წევრი პროფესორ- მასწავლებლები და სტუდენტები.