საქართველოს კრიმინოლოგიის მეცნიერებათა აკადემია, საქართველოს სამსახურებრივ-გამოყენებითი სპორტის ფედერაცია, დანაშაულობის კვლევისა და პროგნოზირების ცენტრი და ჟურნალ „კრიმინოლოგი“–ს სარედაქციო კოლეგია გულითადად ულოცავს: გრიგოლ რობაქიძის სახელობის უნივერსიტეტის რექტორს, დანაშაულობის კვლევისა და პროგნოზირების ცენტრის წევრს, ჟურნალ „კრიმინოლოგი“–ს სარედაქციო კოლეგიის წევრს, სამსახურებრივ-გამოყენებითი სპორტის ფედერაციის თანადამფუძნებელსა და პრეზიდიუმის წევრს, საქართველოს კრიმინოლოგიის მეცნიერებათა აკადემიის აკადემიკოს, ბრწყინვალების ორდენის და არაერთი სახელმწიფო ჯილდოს კავალერს, პროფესორს მამუკა თავხელიძეს დაბადებიდან 70 წლის იუბილეს, უსურვებს ჯანმრთელობასა და კეთილდღეობას, წარმატებებს სამეცნიერო, პედაგოგიურ და საზოგადოებრივ მოღვაწეობაში.

2024 წლის 12 მარტს გრიგოლ რობაქიძის სახელობის უნივერსიტეტში გაიმართა სასწავლო კურსის „კარიერული განვითარება“ ავტორის, ამავე უნივერსიტეტის პროფესორ, საჯარო მმართველობის დოქტორ დავით სუჯაშვილის ლექცია „პირველი დღე სამსახურში“.  სასწავლო კურს  ავტორი უნივერსიტეტის სტუდენტებს  წარუდგინა უნივერსიტეტის რექტორმა, პროფესორმა მამუკა თავხელიძემ.

73 წლის ასაკში გარდაიცვალა სამართლისა და სოციალურ მეცნიერებათა დოქტორი, საქართველოს ტექნიკური უნივერსიტეტის პროფესორი, საქართველოს სახელმწიფო უშიშროების მინისტრი 1997-1998 წლებში, გენერალ-ლეიტენანტი, საქართველოს კრიმინოლოგიის მეცნიერებათა აკადემიის აკადემიკოსი ჯემალ გახოკიძე

94 წლის ასაკში გარდაიცვალა გასული საუკუნის გამოჩენილი სახელმწიფო და საზოგადო მოღვაწე, საქართველოს კრიმინოლოგიის მეცნიერებათა აკადემიის მეგობარი, ყველასთვის სიკეთის მკეთებელი, დამხმარე, სულიერად და გარეგნულად ულამაზესი ქალბატონი ვიქტორია სირაძე რომელიც უმაღლეს სახელმწოფო თანამდებობებზე მოღვაწეობისას კურირებდა რა ქვეყნის სულიერი და სოციალური ცხოვრების სფეროებს - მეცნიერების, განათლების, კულტურის, ხელოვნების, ჯანმრთელობის, სპორტის, ახალგაზრდობის აღზრდის, უცხოეთში მცხოვრებ თანამემემულეებთან ურთიერთობის, რელიგიურ კონფესიებთან სახელმწიფოს ურთიერთობის ძირითად მიმართულებებს მუდმივად უთავსებდა სამეცნიერო კვლევით საქმიანობას. იყო რამდენიმე სამეცნიერო შრომის, პრაქტიკაში დანერგილი გამოგონების და მრავალი საზოგადოებრივ-პოლიტიკური ხასიათის პუბლიკაციის ავტორი.

საქართველოს კრიმინოლოგიის მეცნიერებათა აკადემიის დამფუძნებელი-პრეზიდენტი, პროფესორი მალხაზ ბაძაღუა.

2024 წლის 20 თებერვალს გაიმართა გაეროს ეკონომიკური და სოციალური საბჭოს მიერ

გენერალური ასამბლეის 72/305 რეზოლუციის განხორციელების ონლაინ განხილვა.

1. გენერალური ასამბლეის რეზოლუციების: 67/290 –„მდგრადი განვითარების მაღალი დონის პოლიტიკური ფორუმის ფორმატისა და ორგანიზაციული ასპექტების შესახებ“და 70/ 299 – „გლობალურ დონეზე მდგრადი განვითარების 2030 წლის დღის წესრიგის შემდგომი მიმოხილვის შესახებ“ განხორციელების განხილვა.
2. მდგრადი განვითარების მაღალი დონის პოლიტიკური ფორუმი შესახებ.

2023 წლის 22 დეკემბერს გრიგოლ რობაქიძის სახელობის უნივერსიტეტის სამართლისა და კრიმინოლოგიის სამეცნიერო-კვლევითი ინსტიტუტის პროფესორ გელა ბანელაძის სახელობის „პროფესიული განვითარების ცენტრში“, უნივერსიტეტის სამართლისა და კრიმინოლოგიის კვლევითი ინსტიტუტის მიერ გაეროს ეკონომიური და სოციალური საბჭოს (ECOSOC) სპეციალური კონსულტანტის სტატუსის ორგანიზაცია საქართველოს კრიმინოლოგიის მეცნიერებათა აკადემიის მხარდაჭერით საუნივერსიტეტო პროექტის ფარგლებში გაიმართა სტუდენტთა სამეცნიერო კონფერენცია: „თავისუფლება და პასუხისმგებლობა სტუდენტთა ეთიკის კონტექსტში“. კონფერენციის მუშაობაში მონაწილეობა მიიღეს უნივერსიტეტის სტუდენტებმა, აკადემიურმა პერსონალმა და ადმინისტრაციის წარმომადგენლებმა, საქართველოს კრიმინოლოგიის მეცნიერებათა აკადემიის წევრებმა.

გამოიცა საქართველოს კრიმინოლოგიის მეცნიერებათა აკადემიის საპატიო მეგობრის, საქართველოს მეცნიერებათა ეროვნული აკადემიის აკადემიკოს თამაზ შილაკაძის ნაშრომი „კრიმინოლოგია საგზაო-სატრანსპორტო კომუნიკაციაში“.

საქართველოს კრიმინოლოგიის მეცნიერებათა აკადემია ულოცავს კრიმინოლოგიის პრობლემებით დაინტერესებულ საზოგადოებას ახალი მიმართულების ჩამოყალიბებას, რისთვისაც მადლობას მოახსენებს ბატონ თამაზ შილაკაძეს.